Bilboko Eleizbarrutiko Komunikazino Egitasmoa

Ebanjelizatze-egitasmoaren esanetara dagoan Bilboko Eleizbarrutiko komunikazino egitasmo hau gure lekuko Eleizan komunikazino kultura era egituratu eta eraginkorrean txertatzeko oinarria izan daiteke harek Barri Ona gizartean egoki zabaltzen lagundu daian. Egitasmoak Eleizbarrutiko barruko zein kanpoko komunikazinorako jardunbide nagusiak zehazten ditu. Ez da agiri itxia, malgu eta bizia baino eta martxan jarri eta garatzen dan neurrian sortu daitekezan hainbat errealidade eta inguruabarretara moldatu egin beharko dau. Honantxe bizi izan da komunikazinoa hasieratik Eleizan, une historiko bakotxera egokituz.