Giglets ayns Gaelg Peddyr Pan (ReadAloud‪)‬

Ta 'Giglets ayns Gaelg' nyn skeealyn classigagh, paart jeu ennymoil as paart elley bunnys jarroodit, t’er ve aachummit son sheeloghe dy lhaihderyn noa. Ga dy vel lettyraght chlassigagh mie er bashtal, dy mennick ta kiapyn-snapperal eddyr ny lhaihderyn as ny skeealyn. Shimmey lhaihder t’ayn jiu gyn traa dy liooar dy hirrey son lioaryn ver taitnys daue, er lheh my t’eh scruit ayns focklyn shenn-emshiragh ta doillee geiyrt er. Ta Giglets geddyn rey rish ny doilleeidyn shoh as fosley ny skeealyn shoh da lhaihderyn noa – shenn as aeg.

Ta Giglets cur magh skeealyn ta lane dy verçhys çhengey as cooishyn scanshoil, agh ta jeant ny s’girrey as ny sassey da lhaihderyn aegey. She yn kiarail ec Giglets dy chur roish lhaihderyn ny skeealyn as karacteyryn ta feeit stiagh sy chultoor laaoil ain. Foddee oo lioar Giglets y lhaih ayns 15-20 minnidyn as blass jeh lioar chlassigagh y gheddyn. Ta ny Giglets freayll cooid scanshoil ny skeealyn, ny taghyrtyn as yn aittys, ny karacteyryn as ny soiaghyn ennymoil t’er ve cho ennoil harrish ny bleeantyn. Ta Giglets gymmydey ny h-aghtyn-obbree fondagh son screeu scriptyn fillym dy chroo vershoonyn noa jeh shenn skeealyn classigagh.

Chammah’s shen, ta jallooyn jeant son dagh skeeal dy chowraghey ny soiaghyn scanshoil da ny lhaihderyn. Ta shoh jannoo ny skeealyn ny s’taitnyssee as t’eh chooney lesh yn lhaihder cooinaghtyn ny t’er daghyrt. Sy traa ry heet, ta shin kiarail tooilley lhiasaghyn y chur hug dagh skeeal.

She yn kiarail ec Giglets dy livrey ynsagh as eunysseyraght jeh’n whallid syrjey. By vie lhien  lhaih y ghreinnaghey, lettyraght chlassigagh y chur roish  lhaihderaght ny smoo lhean, as cooney y chur da bishaghey lettyrys.