Marco x-Xarabank

Tagħrif dwar l-iskema tal-qari


1. Ittrasferixxi l-flexkards mis-sit elettroniku ta’ Marco x-Xarabank.

2. Ħares isfel nett tal-paġna bis-sentenzi sempliċi fil-ktieb (paġni 1,3,5,7,9,11,13,15,17,19,22,23,26,28, eċċ.) u agħżel il-flexkards relevanti paġna paġna f’dik l-ordni.

3. Uri l-flexkard lit-tifel/tifla sakemm ma dan/din j/tibda j/tagħrafha.

4. Uri l-flexkard li jmiss sakemm it-tifel/tifla j/tagħraf iż-żewġ kelmiet. Ibqa’ żid il-flexkards waħda waħda ma’ dawk li diġà wrejt lit-tifel/tifla.

5. Mur fil-paġna bis-sentenzi sempliċi relevanti u ħalli lit-tifel/tifla j/taqra j/tgħajjat. Il-paġna jkun fiha biss kliem li diġà j/taf. Il-kelma l-ġdida tkun stampata isfel nett tal-paġna u din hi l-kelma li għandha tiġi introdotta qabel ma tinqara l-paġna.

6. Wara mur fuq il-paġna tal-istorja (paġna 2,4,6,8 eċċ.) li tinqara mill-adult, imma ieqaf fuq il-kliem b’tipi grassi biex jinqraw kemm mill-adult kif ukoll mit-tifel/tifla flimkien, waqt li l-adult ikompli jaqra l-kumplament tal-paġna. Il-kliem il-ġodda huma indikati isfel nett ta’ dawn il-paġni wkoll. Taqbiżx dawn il-paġni!

7. Irrepeti dan il-proċess sa tmiem il-ktieb fuq perjodu ta’ ġimgħat.

8. Fis-CD tal-awdjo hemm is-sentenzi sempliċi kollha moqrija biex jgħinu ’l-adult li ma jkunx familjari mal-lingwa. Huma miġbura f’binarji qosra għal provi u ċċekjar gradwali. L-istorja wkoll inqrat, erba’ faċċati kull binarju, separatament fuq is-CD għal dawk il-ġenituri li mhumiex qarrejja kunfidenti. It-tifel/tifla xorta j/tista’ j/taqra il-kliem b’tipi grassi mal-qarrejja tas-CD.

9. Fis-CD tal-awdjo tal-ewwel ktieb hemm ukoll tliet kanzunetti kollha azzjoni, biex jinkoraġġixxu lit-tfal ikantaw u jieħdu gost jużaw il-lingwa – it-tema ta’ Marco x-Xarabank.