Odiseu nuk kthehet më‪!‬

Libri më i ri Xhemal Ahmetit: „Odiseu nuk kthehet më“, është përmbledhje esesh që trajtojnë tema dhe probleme fushash të ndryshme të dijes si nga: letërsia, kulturologjia, filozofia, historia, artet. Në libër trajtohen vepra letrare, duke filluan nga antika, mesjeta, (pas)moderna, monumente letrare të llojit si saga e Gilgameshit, epet e Homerit, veprat e Dantes, Shilerit e deri tek ato të autorëve të sotëm e të djeshëm si Camus, Eco, Neruda, Baricco, Palamas, Yalom, Kundera, Quinn, Coelho etj. Një pjesë të veçantë në libër zënë vend edhe debatet aktuale intelektuale. Duke u krahasuar analizohen dhe kritikohen paradigma si ato të Sloterdijk, Eagelton, Zizek, Han, Arendt, Habermas, Herni-Levy, Sedlaçek...


Xhemal Ahmeti ka lindur më 1969. Që nga viti 1991 jeton në Zvicër. Përveç këtij libri ai ka botuar ndër të tjera në gjermanisht, shqip e frëngjisht edhe veprat «Kuvendi i Gjenive», «Shqiptarët në postmodernë», «Seleksion», «Kulturosfera në apori», «Paranoja» (roman), «Etnokracitë e Evropës Juglindore».  Libri “Odiseu nuk kthehet më” botohet këtu për herë të parë.