Odinaramane: ಓದಿನರಮನೆ
Publisher Description
ನಮಸ್ತೆ. ನಾನು ಪುಸ್ತಕಗಳ ಓದುಗನಷ್ಟೇ, ವಿಮರ್ಷಕನಲ್ಲ. ಇಲ್ಲಿರುವುದು ಪುಸ್ತಕಗಳ ವಿಮರ್ಶೆ ಎನ್ನುವುದಕ್ಕಿಂತ ಹೆಚ್ಚಾಗಿ ಪುಸ್ತಕಗಳ ಪರಿಚಯವಷ್ಟೇ. ಪುಸ್ತಕ ಪರಿಚಯದ ಪುಸ್ತಕವಿದು! ಓದಿದ ಪುಸ್ತಕಗಳ ಸಂಖೈ ಇನ್ನೂ ಹೆಚ್ಚಿದೆ. ಎಲ್ಲದರ ಬಗ್ಗೆಯೂ ಬರೆಯಲಾಗಿಲ್ಲ. ಇಲ್ಲಿನ ಬಹುತೇಕ ಬರಹಗಳನ್ನು www.hingyake.in ಗೆ ಬರೆದದ್ದು. ಕೆಲವಷ್ಟು ವಿವಿಧ ಪತ್ರಿಕೆಗಳಲ್ಲಿ (ಮುದ್ರಣ, ಅಂತರ್ಜಾಲ) ಪ್ರಕಟವಾಗಿವೆ. ‘ಹಿಂಗ್ಯಾಕೆ’ಯಲ್ಲಿ ಪ್ರಕಟವಾಗಿದ್ದ ಲೇಖನಗಳ ಸಂಗ್ರಹ ರೂಪವಿದಾದ್ದರಿಂದ, ಎಲ್ಲಾ ಲೇಖನಗಳೂ ಅಲ್ಲಿ ಉಚಿತವಾಗಿಯೇ ಲಭ್ಯವಿರುವ ಕಾರಣದಿಂದ ಈ ಇ – ಪುಸ್ತಕಕ್ಕೂ ಯಾವುದೇ ದುಡ್ಡಿಲ್ಲ.
ಇಲ್ಲಿನ ಲೇಖನಗಳಲ್ಲಿ ಪ್ರಸ್ತಾಪಿಸಲಾಗಿರುವ ಪುಸ್ತಕಗಳಲ್ಲಿ ಹಲವನ್ನು ಅಥವಾ ಎಲ್ಲವನ್ನೂ ನೀವು ಓದಿರುವ ಸಾಧ್ಯತೆ ಖಂಡಿತ ಇದೆ. ಮತ್ತೊಮ್ಮೆ ಆ ಪುಸ್ತಕವನ್ನು ನೆನಪಿಸಿಕೊಳ್ಳಿ, ಮತ್ತೊಮ್ಮೆ ಮಗದೊಮ್ಮೆ ಓದುವ ಪುಸ್ತಕಗಳೂ ಇಲ್ಲಿವೆ. ಇಪ್ಪತ್ತೈದು ಲೇಖನಗಳ ಓದು ಕೊನೇಪಕ್ಷ ಒಂದ್ಯಾವುದಾದರೂ ಹೊಸ ಪುಸ್ತಕವನ್ನು ನೀವು ಖರೀದಿಸಿ ಓದುವಂತೆ ಮಾಡಿದರೆ ಅಷ್ಟರ ಮಟ್ಟಿಗೆ ಈ ‘ಓದಿನರಮನೆ’ ಸಾರ್ಥಕತೆ ಅನುಭವಿಸುತ್ತದೆ. ಓದಿರಿ ಓದಿಸಿರಿ. ಇಂತಿ ವಂದನೆಗಳೊಂದಿಗೆ, ಡಾ. ಅಶೋಕ್. ಕೆ. ಆರ್.