SguelachdChnothain Feòrag

Bha meas mòr aig BEATRIX POTTER air a bhith muigh air an tuath agus 's e an rud a b' annasaiche dhe h-òigridh ann an linn Bhictòria gun do chuir i seachad cuid mhòr dhe tìde ag ionnsachadh mu ainmhidhean agus a’ tarraing dhealbhan dhiubh. ’S e an gaol a bha aice air saoghal nàdair a ghluais i gu na leabhraichean beaga ainmeil aice a chruthachadh. Bhrosnaich e i gu h-àraid gun do chuir i seachad na deich bliadhna fichead mu dheireadh dhe beatha ann an Sgìre nan Loch ann an ceann a tuath Shasainn ag obair còmhla ris an Urras Nàiseanta mar thuathanach agus mar neach-gleidhidh àrainneachd.


Tha Sgeulachd Chnothain Feòrag air a suidheachadh air Derwentwater, agus tha i stèidhte air sgeulachd Ameireaganach mu fheòragan a’ siubhal air ràthan beaga, a’ cleachdadh an earbaill mar shiùil. Tha Cnothan Feòrag a’ dol thar an locha còmhla ri a cho-oghaichean a chruinneachadh chnothan air Eilean na Comhachaig, agus tha a mì-mhodh ri Seann Mhac a’ Bhriuthainn ga chur ann an trioblaid.