Manawa Hine (Māori): He wāhine i tohe ki te tai

Koia tēnei, ko Manawa Hine, te hua o te ringa auaha o Kuini Rikihana, kaituhi o te Illustrated Māori Myths and Legends. He paki mātātoa e whakatairanga ana i ngā mahi whakahirahira a ētehi wāhine Māori aumangea i te ao o Hinemoana.

Arā a Kahe Te Rau o te Rangi, ka kauria e ia te au kino i te pō hei whakaora i tōna iwi, ko tana kōhungahunga tonu tana pīkau i a ia e kauhoe ana. 

Ko Hinepoupou ia, ka whakarērea atu ki te mate e tana tāne kino, engari ka kauhoe roa anō ko ia ki tōna kāinga i tawhiti, he tūpuna aihe ana hoa haere, me tana mānakonako anō ki te kimi utu mō te hē o tana tāne.

Tērā hoki a Hūria Mātenga ka kākari nui ki te wai pūkerikeri ki te whakaora kaumoana i te waka kua pāea.  

Ā, ko tā Pānia, te kōhine i kaimomotu ki te moana, he tūkaha atu ki tana tāne, he ātete atu i āna mahi tūkino.

Rā roto mai i tā Kuini, tāna taki auaha i ngā paki o ngā wāhine nei, ka kite ai koe i ngā mea whakahirahira ka taea, ki te whakapono koe ki a koe anō, ki te whakapono anō koe ko ō tūpuna, ko ō atua kei te ārahi, kei te tiaki i a koe.