Ya Khuda

یا خدا

برصغیر پاک و ہند کی تقسیم کے تناظر میں لکھی گئ "یاخدا" ہجرت کے دل دہلا دینے والے واقعات کی کہانی سنانے کے ساتھ ہی ظلم و ستم کی داستانیں بھی پیش کرتی ہے۔یا خدا لکھنے والے سے پہلے کسی بھی کہانی نویس نے اس صفائ سے ہماری تاریخ کی دردناکیوں کو پیش نہیں کیا تھا۔ یہ کہانی وہ درد بھرا سفر نامہ ہے جو انسانیت کے اس چہرے کو دکھاتا ہے جسے قومیت، نفرت، جبلت اور حیوانیت نے پوری طرح قابو کیا ہوا ہے۔ یہ کتاب پارٹیشن کی صرف یک طرفہ کہانی نہیں سناتی بلکہ یہ دکھاتی ہے کہ بارڈر کے دونوں طرف انسانی درندے بستے ہیں۔ یہ بتاتی ہے کہ صرف نام بدل جاتے ہیں چہرے وہی رہتے ہیں۔ جیسے کہیں بلبیر سنگھ ہے تو کہیں عبدالرؤف۔ سننے والوں کے لئے جو سب سے زیادہ تکلیف دہ حقیقت ہے وہ یہ کہ یہ سب سچ ہے، جیسا کہ وہ لاکھوں لوگ بتاتے ہیں جو مہاجر کیمپ کی بھٹیوں سے گزرے ہیں۔