Manipulación e hixiene de peixes e mariscos

As vantaxes competitivas dos produtos pesqueiros son a súa calidade e frescura, características que aprecia e recoñece o colectivo consumidor. Por isto é necesario revalorizar os produtos frescos da pesca con criterios de calidade e diferenciación. Estes criterios deben manterse ao longo de todo o circuíto de comercialización, desde a captura ata o seu consumo.


Faise imprescindible que as persoas que se adican diariamente á comercialización polo miúdo de peixes e mariscos teñan os coñecementos suficientes para garantir que os produtos á venda ofrecen a máxima calidade e garantía de seguridade alimentaria e hixiene.


Esta guía ofrece información sobre os procesos de degradación dos produtos pesqueiros, así como un catálogo de boas prácticas de hixiene, manipulación e etiquetado conforme á normativa vixente.