Soninkara Gundufoonu

O da ke kitaabe bangandi (bagandi ) kuudo
gundufoonu beenu ga ɲi sooninkara i toxonun
nan maxa sanku bakka sooninnkanxannen noxon ya.
ke ya ni a kitaabi fanan ŋa, kitaabe be ga sefene do
sooninkara gundufoonun batte gundufo tannaxatonu ku
beenu ga o maxa sooninkara. O da i fo gabe toxonun do i
ɲangollun safa. A ra wa ɲaana o na mungu do i yogonu
toxonun ŋa. Xa, o da a wutu gundufo xoorun ya
yi, yanqana katta gundufo roxon ŋa. Sere gabe wa i
toxonun mukku, na a ɲi i nta i wari yaaxen tu. Sere
gabe xa wa i walla, xa, i nta i toxonun tu
sooninkanxannen di. O da i toxonun ro a yi, na i
natalinun xa ro a yi. Kitaabu kuttun wa sukkene do ke
kitaabe batten ŋa. Kun ga ni : Sooninkara yelinŋu,
Sooninkara fuuɲu. Ku kitaabu bagu ya kuudo na
sooninkanxanne ke ya wurugindi. Xa maarenme, Jaaje
Jaxite, nan bagu, Gidimaxa, Gakura, Maali, Xaayi.