Umlando Wakwa-Mkhwanazi Kwa-Mpukunyoni 1600-2007 (Mtubatuba‪)‬

Izimpande zakho isisekelo sakho

Umlando womuntu uzimpande zobuyena kanti futhi uyifa negugu lokuphila kwakhe. Yiwo umlando womuntu olawula izolo nenamuhla nengomuso noma ikusasa lomuntu. Lencwadi yomlando wesizwe sakwa-Mkhwanazi kwa-Mpukunyoni ikhininda ngemvelaphi nokudabuka kwaba kwa-Mkhwanazi e Mtubatuba.

Iphinde ixoxe ngokujulile ngolibo lokuzalana kwamakhosi akwaMkhwanazi kwa-Mpukunyoni eMtubatuba ango Inkosi Veyane ezala inkosi Mayanda ezala inkosi Mntwana Somkhele ozala Inkosi Mtwana Mtubatuba ozala iNkosi Mntwana Mgwazeni ozala iNkosi Mntwana Mzondeni Minius ozala Mntwana Siyabonga, Iphinde ikhulume ngeNksoi Mntwana Mzokhulayo Mkhwanazi, onke lamakhosi angawakwa Nomathiya endlini enkulu.

Ozalwa ngu nguMntwana Magweba Simiyoni ozalwa nguMntwana Madamu ozalwa iNkosi Mntwana Mtubatuba ozalwa nguMntwana Somkhele kaMayanda kaVeyane.

Umbhali
nguMntwana Goodwill Siboniso Mkhwanazi ozalwa ngo 7 Augast 1969 nguNdlunkulu Sindisiwe Ntombi Mkhwanazi kanye noMntwana Ncezu Nason Mkhwanazi ka Mntwana Mqhubeni kaMntwana Inkosi Somkhele kaMayanda kaVeyane Mkhwanazi endlini yakwa-Nomathiya.

Mntwana G.S. Mkhwanazi ufunde amabanga aphansi kwaSomkhele Primary Mehlokubheka Primary, Inkosi Mgwazeni Secondary waphothula eMoyeni High School eMthunzini kwaZulu/Natal.

Ufunde wagogoda ezifundeni ze SSTD B Paed (Arts) kanye ne BA Hons eNyuvesi yakwaZulu wafundisa umlando nolimi lwesiNgisi ezikoleni eziningi.

Ungu mbhali wezincwadi zezinkondlo zesintu nesi Ngisi kanye nezinye izincwadi, unguMfundisi webandla uyisikhulumi somphakathi, ishoshozela lentuthuko, umholi wezombusazwe kanye nesikhulumi sezinkulumo ezikhuthazayo.

Unguyise wezingane Samkele, Qiniso, Mnqobi, Siqiniseko, Becherim kanye noAphiwe. Ungumkhwenyana ka Ndlunkulu Ayanda Promise Mkhwanazi.