1984

«1984» (англ.: Nineteen Eighty-Four, «1980 чацвёрты») – раман-антыўтопія Джорджа Оруэла, выдадзены ў 1949 годзе.

Раман «1984» нараўне з такімі творамі як «Мы» Яўгенія Замяціна (1920), «Пра дзівосны новы свет» Олдоса Хакслі (1932) і «451 градус па Фарэнгейце» Рэя Брэдберы (1953), лічыцца адным з узораў антыўтопіі.

Галоўны герой - Уінстан Сміт - жыве ў Лондане, працуе ў Міністэрстве праўды і з'яўляецца членам знешняй партыі. Ён не падзяляе партыйныя лозунгі і ідэалогію і ў глыбіні душы моцна сумняваецца ў партыі, навакольнай рэчаіснасці і ўвогуле ва ўсім тым, у чым толькі можна сумнявацца. Каб "выпусціць пару" і не здзейсніць які-небудзь безразважны ўчынак, вядзе дзённік, у якім імкнецца выкладаць усе свае сумневы. На людзях жа прыкідваецца прыхільнікам партыйных ідэй. Аднак баіцца, што дзяўчына Джулія, якая працуе ў тым жа міністэрстве, шпіёніць за ім і хоча выкрыць яго. У той жа час мяркуе, што высокапастаўлены супрацоўнік іх міністэрства, сябра ўнутранай партыі нейкі О’Браэн таксама не падзяляе меркавання партыі і з'яўляецца падпольным рэвалюцыянерам.