Bachtelo hi...
Sinti-Romany
-
- $19.00
-
- $19.00
Descripción editorial
Dchitcheske hi go tselo pharephen gai beske o mensho grella de chatsell lo i latcho djipen. Dchitcheske hi i tseli Religiona un halauta hoi lo beske gokres mishto grella, un gamel goi dursch o Debleha ketne de well. Dchitcheske hi de gamel o mensho o Debles an o Weesch un del o bolepen de chatsell un an beske Filosofije. O Drom basch o Deblesta hi menge an hako drom pandlo. Gowa haiwel o mensho ninna an besta. Doleske hi les gek mirno an besta. O mensho rodel bal o djido Deblesta basch besta gokres un an gola droma gai lo djalla. Gai lo o Bolepen nashrais marell les ketne. O mensho del beski sor, besko tsiro un ninna beske lowe goi de nai chatsell lo o Debles an gau Sweto.
O Mensho hi bal o Debleski Bilda gerdes. Un o mensho wais o Debleske gerdes. Hoske? Gar de chatsell lo bes gokres un de djiwell lo ha jop les gamella wais o mensho o Deblesta gerdes. Naa, o tsello tchatchepen nai chatsell lo gokres an o djido Deblesta gai bes menge an o Jesus o Kristo tsikrais.
Gun bal o tchatcho djipen rodella un gamel tchatchepaha de haiwel ha i djipen mishto djiptes wella, hunte butchel bal o djido Deblesta, ha lo bes an o Jesus o Kristo zikrais. Hakenno butchel an beske diwessa gai lo ap gau Sweto djiwella bal o djido Deblesta. Jek grel gowa de hi lo derno un go wawa de hi lo phures.