E Ola ka Nahele Waiāea o Kahoʻolawe (Hawaiian‪)‬

E hoʻi i ka piko o nēia pae ʻāina, ʻo ia hoʻi ʻo Kahoʻolawe. He moku ʻāʻumeʻume, he moku ola naʻe. E ʻike i ko ke kanaka hoʻoulu hou ʻana aku i ka nahele waiāea o Kahoʻolawe, a me ko Kahoʻolawe hoʻoulu ʻana mai i ke kanaka.


No ka Papa: 3 (akā, ʻo nā ʻano pae makahiki like ʻole ke nanea a hoʻopaʻa i ʻike hou!)

Pae Heluhelu: KO


He pūkaʻina puke ʻepekema Hawaiʻi ʻo Pāhana ʻĀina Lupalupa (PAL). ʻĀwili ʻia ma PAL ka ʻōlelo Hawaiʻi, ka moʻomeheu Hawaiʻi, a me ka ʻike Hawaiʻi me ka mākau heluhelu a me nā manaʻo ʻepekema e kū ana i ke ana hoʻohālike kaumokuʻāina. Ma ka ʻōlelo Hawaiʻi i haku ʻia ai nā puke; ma hope ka unuhi ʻia ma ka ʻōlelo Pelekānia. Ua haku ʻia hoʻi na nā lima noʻeau o nā kumu kula Hawaiʻi, nā laekahi aʻo heluhelu, a me nā laekahi hoʻomohala haʻawina ʻōlelo Hawaiʻi, me ke aʻoaʻo pū a nā akeakamai a me nā loea ʻike maʻiʻo.