Fugletribunalet

Etter ein skandale rømmer nrk-kjendis Allis Hagtorn frå offentlegheita. Ho finn ly i ein eldre trevilla ved fjorden, som hushjelp og gartnar for Sigurd Bagge. Allis prøver å bygge seg opp att ved å føre eit enkelt liv; arbeide med jorda, lage mat, tenke. Men forholdet til Sigurd Bagge kompliserer det heile. Kva gjer Bagge på arbeidsrommet sitt heile dagen? Kor blir det av kona hans? Og kvifor må alt vere så hemmeleg?


I Fugletribunalet har to menneske av ulik grunn trekt seg tilbake frå samfunnet. Begge har ein løyndom og eit ønske om å sone. Agnes Ravatn har skrive ei tett, intens og gripande forteljing om kjærleik og svik, og om kva som må til for å kunne starte på ny.