Krakatiti

Një zbulim i jashtëzakonshëm. Një sekret për të cilin luftojnë pushtetet. Një njeri që mund të humbasë gjithçka duke u përpjekur ta mbrojë.

Kimisti Prokop ka krijuar krakatitin, një lëndë shpërthyese të aftë të shkatërrojë qytete të tëra. Pas një aksidenti në laborator, i plagosur dhe në delir, ai zbulon pjesë të sekretit të tij. Kur e merr veten, zbulimi ka tërhequr vëmendjen e njerëzve që shohin tek ai mundësinë për të sunduar botën.

Për Prokopin nis një udhëtim mes intrigave, kërcënimeve dhe premtimeve joshëse. I ofrojnë pasuri, lavdi dhe mundësi të pakufishme për kërkimet e tij. Mes luksit të një kështjelle dhe pasionit për një princeshë, kufiri mes mikpritjes dhe robërisë bëhet gjithnjë e më i paqartë. Ndërsa përpiqet të ndalojë përdorimin e shpikjes si armë, duhet të përballet edhe me ambicien, dëshirat dhe dobësitë e veta.

KRAKATITI ndërthur tensionin e thrillerit, fantazinë shkencore dhe një histori të ethshme dashurie. Një roman për tundimin e pushtetit dhe përgjegjësinë e njeriut që i jep botës një fuqi të pakontrollueshme.

Kur gjithçka mund të hidhet në erë, kujt mund t'i besosh?