Perfect Stranger

Pinalaking konserbatibo si Sheila Mariano kaya nang siya’y magka-boyfriend pinairal niya ang no-sex-before-marriage rule. Pumayag nga ang nobyo, pero lingid sa dalaga’y may kinakalantari pala itong iba. Nang malaman ito ni Sheila, labis niya iyong pinagdamdam. Dahil sa sobrang himutok at galit, pumunta siyang mag-isa sa isang club at sumama pa sa hindi kilalang lalaki. Ang matagal niyang iniingat-ingatang puri ay basta na lang niya ibinigay sa taong may nakaukit na swastika sa braso. Ibabaon na sana niya ang lahat sa limot nang makalipas ang isang buwan ay napag-alaman niyang nagbunga ang isang gabing pagpapakawala. Mahahabol pa kaya niya ang estranghero kung ang tanging pagkakilanlan lang niya rito ay ang kakaibang tattoo sa kanang braso?