He Ola ko ka Loko Iʻa (Hawaiian‪)‬

ʻAʻole ʻo ka iʻa wale nō—ke āhole, ke awa, ka ʻamaʻama—ke noho ma ka loko iʻa. ʻO ka pinao a me ka ʻaukuʻu pū kekahi. E heluhelu mai a ʻike i ka ulu a noho ʻana o kēia mau meaola ma ka loko iʻa.


No ka Papa: 1 (akā, ʻo nā ʻano pae makahiki like ʻole ke nanea a hoʻopaʻa i ʻike hou!)

Pae Heluhelu: LE


He pūkaʻina puke ʻepekema Hawaiʻi ʻo Pāhana ʻĀina Lupalupa (PAL). ʻĀwili ʻia ma PAL ka ʻōlelo Hawaiʻi, ka moʻomeheu Hawaiʻi, a me ka ʻike Hawaiʻi me ka mākau heluhelu a me nā manaʻo ʻepekema e kū ana i ke ana hoʻohālike kaumokuʻāina. Ma ka ʻōlelo Hawaiʻi i haku ʻia ai nā puke; ma hope ka unuhi ʻia ma ka ʻōlelo Pelekānia. Ua haku ʻia hoʻi na nā lima noʻeau o nā kumu kula Hawaiʻi, nā laekahi aʻo heluhelu, a me nā laekahi hoʻomohala haʻawina ʻōlelo Hawaiʻi, me ke aʻoaʻo pū a nā akeakamai a me nā loea ʻike maʻiʻo.