Talaðu við ókunnuga

Talaðu við ókunnuga er myndskreytt smásagnasafn eftir Börk Sigurbjörnsson. Sérhver saga segir frá samskiptum við hið ókunna, hvort sem um er að ræða ókunnuga úti á götu, framandi viðhorf eða innhverfar samræður okkar við hinn hulda hluta undirmeðvitundarinnar. Safnið varpar ljósi á ókunnuga frá ýmsum heimshornum þar sem sögusviðið er Buenos Aires, Bogotá, Barselóna, Lundúnir og Reykjavík. Bókin er myndskreytt af höfundinum sjálfum.


„Þetta safn hefur verið allnokkur ár í smíðum og það tók mig talsverðan tíma að detta niður á rétt þemað. Upphaflega var það meðvituð ákvörðun að allar sögurnar fjölluðu um bið, en eftir allmargar blindgötur og þvingaða söguþræði þá tók hið ókunnuga smám saman völdin og varð að megin viðfangsefninu.“