He Aha Ia Mea he Kāheka? (Hawaiian)
He Puke ʻIke Kahua ʻEpekema
-
- 59,00 kr
-
- 59,00 kr
Utgivarens beskrivning
E lēhei mai i nā kāheka o Hawaiʻi, a ʻo kāu keiki pū kekahi me ʻoe! E kipa mai i ia kaianoho loli mau e noho kūʻonoʻono ai kekahi poʻe iʻa. E neneʻe mai a pili i nā kupa o laila—ʻo ka pipipi alelo apuapu, ka loli ʻaweʻawe pipili, ka ʻina niho nahunahu, a pēlā wale aku. ʻOkoʻa ka iʻa, ʻokoʻa ka māhele o ke kino nāna e kiʻi i ka meaʻai. Like nō naʻe ka pahuhopu: ʻo ka ʻai ʻana i ka iʻa lauoho loloa o ke kai, he limu!
ʻOiai, ua hiki nō i kēia puke ke kū hoʻokahi, he hoa hele nō hoʻi ʻo ia no nā puke o ka ʻope kāheka o Pāhana ʻĀina Lupalupa (PAL)
No ka Papa: Mālaaʻo (akā, ʻo nā ʻano pae makahiki like ʻole ke nanea a hoʻopaʻa i ʻike hou!)
He pūkaʻina puke ʻepekema Hawaiʻi ʻo Pāhana ʻĀina Lupalupa (PAL). ʻĀwili ʻia ma PAL ka ʻōlelo Hawaiʻi, ka moʻomeheu Hawaiʻi, a me ka ʻike Hawaiʻi me ka mākau heluhelu a me nā manaʻo ʻepekema e kū ana i ke ana hoʻohālike kaumokuʻāina. Ma ka ʻōlelo Hawaiʻi i haku ʻia ai nā puke; ma hope ka unuhi ʻia ma ka ʻōlelo Pelekānia. Ua haku ʻia hoʻi na nā lima noʻeau o nā kumu kula Hawaiʻi, nā laekahi aʻo heluhelu, a me nā laekahi hoʻomohala haʻawina ʻōlelo Hawaiʻi, me ke aʻoaʻo pū a nā akeakamai a me nā loea ʻike maʻiʻo.
