ՊԱՂՏԱՍԱՐ ԱՂԲԱ‪Ր‬

Պաղտասար Աղբարը մեծ հայ երգիծաբան Յակոբ Պարոնեանի ամենածանօթ և ամենաժողովրդական թատերական գործն է։

Պաղտասար աղբար բարի, դիւրահաւատ և պատուախնդիր մարդ մըն է, որուն կինը սիրականն է հէգ Պաղտասար աղբօր կարծեցեալ բարեկամին՝ Կիպարին։ Պաղտասար գրեթէ արարքի վրայ կը բռնէ կինը ու կը դիմէ փաստաբան Օգսէնին, որ իր դատը կը խոստանայ պաշտպանել փոխան մեծ գումարի մը։ Սակայն դատական խորհուրդը զինք մեղաւոր կը գտնէ, և միանալով իր կնոջ, Կիպարի և դրացի կիներուն, կը սպառնայ Պաղտասար աղբարը խենդ հռչակել եթէ ան իր կնոջ հասցէին կատարած զրպարտութիւնը ետ չքաշէ...