He Aha Ia Mea he Kaianoho? (Hawaiian‪)‬

E hume i ka malo a ʻai i ka ʻai! E māmā ana kāu huakaʻi hele mai uka a i kai e kipa ai i nā kaianoho o Hawaiʻi nei. ʻO kou mau kamaʻāina hoʻi nā meaola kupaianaha o ia mau kaianoho. E nanea ana ʻoe me kāu mau ʻimi loa ʻōpiopio i ka heluhelu no ka ikehu, ke kuʻina meaʻai, a me nā pilina kaukaʻi a kūkaukaʻi o nā meaola o ka nahele maʻukele, ke ālialia, a me ka ʻāpapapa.


ʻOiai, ua hiki nō i kēia puke ke kū hoʻokahi, he hoa hele nō hoʻi ʻo ia no nā puke o ka ʻope kaianoho o Pāhana ʻĀina Lupalupa (PAL).


No ka Papa: 2 (akā, ʻo nā ʻano pae makahiki like ʻole ke nanea a hoʻopaʻa i ʻike hou!)


He pūkaʻina puke ʻepekema Hawaiʻi ʻo Pāhana ʻĀina Lupalupa (PAL). ʻĀwili ʻia ma PAL ka ʻōlelo Hawaiʻi, ka moʻomeheu Hawaiʻi, a me ka ʻike Hawaiʻi me ka mākau heluhelu a me nā manaʻo ʻepekema e kū ana i ke ana hoʻohālike kaumokuʻāina. Ma ka ʻōlelo Hawaiʻi i haku ʻia ai nā puke; ma hope ka unuhi ʻia ma ka ʻōlelo Pelekānia. Ua haku ʻia hoʻi na nā lima noʻeau o nā kumu kula Hawaiʻi, nā laekahi aʻo heluhelu, a me nā laekahi hoʻomohala haʻawina ʻōlelo Hawaiʻi, me ke aʻoaʻo pū a nā akeakamai a me nā loea ʻike maʻiʻo.