Frigo

«Frigo» ass d'Geschicht vun der Famill Lützelmann aus dem Süde vum Land vun de fofzeger Joere bis haut. Dat klengt Charlotte Lützelmann leid ënnert senger grousse Schwëster Jossefinn, mä hänkt vill u senger Bomi, déi awer enges Daags stierwt an déi da mat der rouder Camionett an dee grousse Frigo kënnt. An dësem Roman weist d'Claudine Muno, wéi modern Literatur op Lëtzebuergesch geschriwwe ka ginn. Dëst Buch läit elo schonns an der 3. Oplo vir, well et ee vun deene wichtegste moderne Romaner op Lëtzebuergesch ass.

Den 30. Juni 2004 krut d'Claudine Muno am Nationale Literaturzentrum zu Miersch fir säi Roman Frigo de Servais-Präis 2004 iwwerreecht, dee Literaturpräis, deen dat bescht literarescht Buch vum Joer virdrun auszeechent.