Lekkerlees 1

My bundel van twee ligte Afrikaanse verhale.

Madeleyn se klavier.
Madeleyn se klavier is haar kosbaarste besitting. Dit het aan haar oorlede broer behoort. Haar broer wie se lyk nooit gekry is nie, wie deur wilde diere verslind is.
John Austin, 'n ervare snydokter verhuis vanaf Londen na Pretoria om nader aan sy moeder te wees. Hy onmoet vir Lize toe hy haar dogtertjie moet opereer na 'n wilde dier haar beetgekry het.
Lize Botha se lewe stort in duie toe 'n hiëna haar dogtertjie gryp. Sy en die kind, Alta, word per vliegtuig na Uppington gevlieg vir 'n noodoperasie. Sy ontmoet vir dokter John Austin wie die kind se lewe red en ook die gebruik van haar arm. Spoedig loop sy hom in Pretoria raak in die hospitaal waar sy werk. John is besonders teer met die kind en hy kan sy oë nie van haar af hou nie.....

Yolanka:
Yolanka Jordaan ontmoet die rugbyspeler Marcus Pool, die rugbylegende, die man van haar drome. Dit is liefde met die eerste ontmoeting en spoedig vra hy haar om haar hand.
Hulle probeer vrugteloos om 'n kindjie te verwek, beide se droom. Dan vind hulle uit hy is onvrugbaar.
Tydens 'n sosiale byeenkoms hoor hy sy sê sy sal enige iets doen om 'n kindjie te kry. Marcus voel so magteloos en 'n mislukking.
Dan word sy swanger. Hy weet hy is onvrugbaar, en dan vat hy die pad…

Hierdie boek beskryf nie seks in detail nie.